पुणे बाजारात हापूस आंबे दाखल एक डझन साठी ₹,७०० ते ₹२,००० दर

पुणे – गोडसर सुगंधाने मन मोहवणाऱ्या हापूस (अल्फोन्सो) आंब्यांनी यंदा पुण्यात लवकरच हजेरी लावली आहे. विशेष म्हणजे, सिंधुदुर्ग जिल्ह्यातील देवगड तालुक्यातून आलेल्या या आंब्यांनी पुण्याच्या बाजारपेठेत सुरुवातीपासूनच चांगली चविष्ट उपस्थिती नोंदवली आहे.

पुण्यातील गुलटेकडी मार्केट यार्डमधील व्यापाऱ्यांच्या माहितीनुसार, सध्या दररोज आंबे बाजारात येत आहेत. प्रत्येक बॉक्समध्ये ४ ते ५ डझन हापूस आंबे असतात. या आंब्यांची बॉक्सप्रमाणे किंमत ₹३५००ते ₹८००० दरम्यान आहे, जी आंब्यांच्या दर्जानुसार ठरते.

“पुणे बाजारपेठेत हापूस आंब्याची भरपूर आवक, दर अजून स्वस्त होण्याची शक्यता!”

व्यापाऱ्यांनी सांगितले की, सुरुवातीची आवक देवगडमधून होत असली तरी काही प्रमाणात रत्नागिरी जिल्ह्यातूनही आंबे येत आहेत. तसेच, येत्या दोन आठवड्यांत आंब्यांची आवक अधिक वाढण्याची अपेक्षा व्यक्त केली जात आहे.

यंदाच्या मोसमात आलेल्या हापूस आंब्यांनी ग्राहकांमध्ये उत्सुकता वाढवली असून, यावेळेस आंब्यांची आवक भरपूर असल्यामुळे पुणेकर हापूसच्या गोड चवीचा आनंद घेत आहेत . आंब्याचे दर अजून स्वस्त होण्याचे संकेत मिळत आहेत.

आंबा हा फळांचा राजा मानला जातो,महाराष्ट्रात आंब्याची लागवड हजारो वर्षांपासून सुरू आहे. महाराष्ट्राच्या ग्रामीण भागांत आंब्याची शेती ही शेतकऱ्यांसाठी एक प्रमुख व्यवसाय आहे. खास करून कोकण भागात रत्नागिरी, देवगड, रायगड, आणि सिंधुदुर्ग जिल्ह्यांतील हापूस आंबा आपल्या अप्रतिम स्वादासाठी आणि अप्रतिम गोडवा यामुळे भारतात व जगभरात ओळखला जातो.

महाराष्ट्रातील आंब्यांची लोकप्रियता अमेरिकेत, इंग्लंडमध्ये, युरोपमधील विविध देशांत आणि अगदी जपानमध्येही मागणी असलेला फळ बनला आहे. अनेक देशांमध्ये ‘आंबा महाराष्ट्राचा गोडवा‘ म्हणून ओळखला जातो.