Pritismita Bhoine sets world record with gold medal at Asian Youth Games
भारतीय वेटलिफ्टर प्रितीस्मिता भोईचा ऐतिहासिक पराक्रम — सुवर्णपदकासह नवा जागतिक विक्रम!
प्रकाशित दिनांक: 27 ऑक्टोबर 2025 ठिकाण: बहरीन
भारताच्या वेटलिफ्टिंग क्षेत्रात अभिमानाचा क्षण निर्माण झाला आहे! फक्त १६ वर्षांची भारतीय वेटलिफ्टर प्रितीस्मिता भोई हिने बहरीन येथे झालेल्या आशियाई युवा क्रीडा स्पर्धेत (Asian Youth Games) मुलींच्या 44 किलो वजनी गटात सुवर्णपदक पटकावत नवा जागतिक विक्रम (World Record) प्रस्थापित केला आहे.
प्रितीस्मिताने क्लीन अँड जर्क (Clean & Jerk) प्रकारात तब्बल ९२ किलो वजन उचलत युथ वर्ल्ड रेकॉर्ड (Youth World Record) नोंदवला. तिने स्नॅच प्रकारात ६६ किलो वजन उचलले आणि क्लीन अँड जर्कमध्ये ९२ किलो उचलत एकूण १५८ किलोचे एकत्रित वजन नोंदवले. या कामगिरीमुळे तिला सुवर्णपदकासह आंतरराष्ट्रीय स्तरावर प्रशंसा मिळाली.
पूर्वीचा जागतिक विक्रम ९० किलोचा होता, जो प्रितीस्मिताने मोडून नवा ९२ किलोचा विक्रम रचला. तिच्या या यशामुळे भारतीय वेटलिफ्टिंग जगतात नव्या आशा निर्माण झाल्या आहेत.
भारतीय वेटलिफ्टर प्रितीस्मिता भोई
प्रितीस्मिता भोई कोण आहे?
प्रितीस्मिता भोई ही ओडिशा राज्यातील ढेंकानाल जिल्ह्यात 2008 मध्ये जन्मलेली एक उदयोन्मुख वेटलिफ्टर आहे. तिच्या आयुष्यातील प्रवास अत्यंत प्रेरणादायी आहे.
फक्त दोन वर्षांची असताना तिच्या वडिलांचे निधन झाले आणि तिची आईने दोन्ही मुलींना एकटीने वाढवले. आर्थिक अडचणी, मर्यादित साधने आणि सामाजिक अडथळे असूनही तिची आई कधीच हार मानली नाही.
शालेय काळात प्रितीस्मिता आणि तिची बहीण केंद्रीय विद्यालयात आयोजित ऍथलेटिक्स स्पर्धांमध्ये सहभागी होत असत. त्यावेळी प्रशिक्षक गोपाल दास (Gopal Das) यांनी त्यांच्या खेळातील क्षमता ओळखून त्यांना वेटलिफ्टिंगकडे वळण्याचा सल्ला दिला.
सुरुवातीला आईला थोडा संकोच वाटला, पण प्रशिक्षकांच्या पाठिंब्यामुळे आणि मुलींच्या इच्छाशक्तीमुळे अखेर तिने होकार दिला.
आज प्रितीस्मिता भोई तिच्या परिश्रम, शिस्त आणि आत्मविश्वासाच्या जोरावर भारताचे नाव जगभरात उजळवणारी तरुण खेळाडू ठरली आहे.
FAQ
Q1. प्रितीस्मिता भोईने कोणत्या स्पर्धेत सुवर्णपदक जिंकले? ANS- तिने बहरीन येथे झालेल्या आशियाई युवा क्रीडा स्पर्धेत मुलींच्या 44 किलो वजनी गटात सुवर्णपदक पटकावले.
Q2. प्रितीस्मिता भोईने किती किलो वजन उचलले आणि कोणता विक्रम केला? ANS- तिने स्नॅचमध्ये ६६ किलो आणि क्लीन अँड जर्कमध्ये ९२ किलो असे एकूण १५८ किलो वजन उचलत ९२ किलोचा नवा जागतिक विक्रम प्रस्थापित केला.
Q3. प्रितीस्मिता भोई कुठली आहे आणि तिचे प्रशिक्षक कोण आहेत? ANS- ती ओडिशाच्या ढेंकानाल जिल्ह्यातील असून तिचे प्रशिक्षक गोपाल दास आहेत, ज्यांनी तिच्या प्रतिभेला दिशा दिली.
