NSP (National Scholarship Portal) वर शिष्यवृत्ती मिळवण्यासाठी आता OTR क्रमांक आवश्यक आहे. जाणून घ्या OTR म्हणजे काय, त्याचे फायदे आणि कसे करावे नोंदणी
OTR म्हणजे काय? आणि का आहे तो आवश्यक?
शिक्षण क्षेत्रातील विद्यार्थ्यांना आता शिष्यवृत्ती मिळवण्यासाठी नवीन नियम लागू करण्यात आले आहेत. भारत सरकारच्या राष्ट्रीय शिष्यवृत्ती पोर्टल (NSP) वर कोणतीही शिष्यवृत्ती अर्ज करताना आता OTR (One Time Registration) क्रमांक असणे बंधनकारक झाले आहे.
OTR हा एक 14 अंकी युनिक क्रमांक आहे जो विद्यार्थ्याच्या आधार किंवा आधार एनरोलमेंट ID वर आधारित असतो. एकदा OTR नोंदणी झाली की, विद्यार्थ्याला पुढील संपूर्ण शैक्षणिक कारकिर्दीत दरवर्षी नोंदणी करावी लागत नाही.
OTR चे फायदे काय आहेत?
एकदाच नोंदणी करून शिष्यवृत्तीच्या सर्व अर्जांमध्ये वापर करता येतो.
दरवर्षी पुन्हा माहिती भरायची गरज नाही.
डेटा डुप्लिकेशन आणि त्रुटी टाळल्या जातात.
एकाच login ID ने सर्व अर्ज Track करता येतात.
Mobile, Laptop किंवा CSC केंद्रातून सुलभ नोंदणी.
OTR नोंदणी कशी करावी? (Step-by-Step)
Aadhaar/eKYC द्वारे नोंदणी करा – विद्यार्थीचे नाव, जन्मतारीख, मोबाईल नंबर आणि आधार नंबर वापरून.
नोंदणी नंतर Reference Number SMS द्वारे मिळतो.
NSP OTR App व Aadhaar Face RD App Google Play Store वरून डाउनलोड करा.
App मधून “eKYC with Face Auth” निवडा.
चेहरा स्कॅन पूर्ण झाल्यावर 14 अंकी OTR क्रमांक SMS ने प्राप्त होतो.
शिष्यवृत्ती अर्जासाठी आपल्या OTR नोंदणीसाठी कृपया येथे क्लिक करा
OTR नोंदणी
OTR कोणासाठी आवश्यक आहे?
भारतातील सर्व विद्यार्थी ज्यांना शिष्यवृत्ती मिळवायची आहे.
विद्यार्थ्याचे आधार कार्ड किंवा आधार एनरोलमेंट ID आवश्यक आहे.
मोबाईल नंबर आधारसोबत लिंक असावा.
अल्पवयीन विद्यार्थ्यांसाठी पालकाचा आधार वापर करता येतो.
OTR नंतर काय करावे?
OTR क्रमांक प्राप्त झाल्यानंतर त्याचा वापर करून NSP पोर्टलवर लॉगिन करा, पासवर्ड सेट करा आणि नवीन किंवा नुतनीकरण शिष्यवृत्ती साठी अर्ज करा.
महाराष्ट्रातील विद्यार्थ्यांसाठी OTR (One Time Registration) हा एक क्रांतिकारी पर्याय ठरत आहे, कारण याच्यामुळे शिष्यवृत्ती अर्ज करण्यातील गुंतागुंत कमी होत आहे . आता दरवर्षी नवीन नोंदणी करण्याची गरज न राहता, एकदाच आधार eKYC द्वारे OTR क्रमांक काढून ठेवला की संपूर्ण शैक्षणिक कालावधीत तो वापरता येतो.
ग्रामीण व शहरी भागातील विद्यार्थी एकसमान सुविधा घेऊ शकतील, तसेच महाराष्ट्र सरकारच्या विविध शिष्यवृत्ती योजनांचा लाभ घेण्यासाठी OTR हा महत्त्वाचा दुवा ठरणार आहे. त्यामुळे प्रत्येक विद्यार्थ्याने OTR लवकरात लवकर काढून आपले शैक्षणिक भविष्य सुरक्षित करावे.
