महाराष्ट्र राज्यातील MBA/MMS प्रवेश प्रक्रिया 2025-26 – संपूर्ण मार्गदर्शक
तारीख: 29 जून 2025
महाराष्ट्र राज्यातील सरकारी, सरकारी अनुदानित, विद्यापीठ व्यवस्थापित संस्था तसेच खाजगी अशासकीय व्यवस्थापन शिक्षण संस्थांमध्ये MBA/MMS अभ्यासक्रमाच्या पहिल्या वर्षासाठी प्रवेश प्रक्रिया शैक्षणिक वर्ष 2025-26 करिता सुरू करण्यात आली आहे. ही प्रवेश प्रक्रिया राज्य सामान्य प्रवेश परीक्षा कक्ष, मुंबई (CET CELL) मार्फत राबवली जात आहे.
पात्रता निकष (Eligibility Criteria):
अर्जदार खालील अटी पूर्ण करत असावा:
- भारताचा नागरिक असावा.
- कोणत्याही शाखेतील किमान ३ वर्षांचा पदवीधर अभ्यासक्रम ५०% गुणांसह पूर्ण केलेला असावा (महाराष्ट्रातील आरक्षित, EWS व दिव्यांग प्रवर्गासाठी ४५%).
- MAH-MBA/MMS-CET 2025 मध्ये शून्याहून अधिक गुण असणे आवश्यक. किंवा खालीलपैकी कोणत्याही परीक्षेत वैध स्कोअर असावा:
CAT / CMAT / XAT / MAT / ATMA / GMAT
ऑनलाईन अर्ज प्रक्रिया (Online Registration)
🗓️ प्रारंभ तारीख: 28 जून 2025
🗓️ शेवटची तारीख: 08 जुलै 2025 (सायं. 5:00 वाजेपर्यंत)
1️⃣ उमेदवारांनी www.mahacet.org या संकेतस्थळावर ऑनलाईन फॉर्म भरावा.
2️⃣ CET दिलेल्या उमेदवारांना कोणतेही नोंदणी शुल्क नाही.
3️⃣ इतर परीक्षेचा स्कोअर वापरणाऱ्या उमेदवारांना ऑनलाईन पद्धतीने शुल्क भरावे लागेल:
अर्ज शुल्क (फक्त ऑनलाइन पद्धतीनेच भरायचे आहे)
- सामान्य प्रवर्ग (महाराष्ट्र व बाहेरील राज्य), तसेच J&K आणि Ladakh प्रवासी उमेदवार: ₹1200/-
- महाराष्ट्रातील आरक्षित प्रवर्गाचे उमेदवार – SC (अनुसूचित जाती),ST (अनुसूचित जमाती),VJ/DTNT(A)-₹1000/-
कागदपत्र पडताळणी (Document Verification)
30 जून ते 09 जुलै 2025 (सायं. 5:00 पर्यंत) दोन पर्याय:
E-Scrutiny Mode:
- विद्यार्थी ऑनलाइन दस्तऐवज अपलोड करतील.
- स्क्रूटनी केंद्रमार्फत ऑनलाइन पडताळणी होईल.
Physical Scrutiny Mode:
- विद्यार्थी निवडलेल्या स्क्रूटनी सेंटरवर प्रत्यक्ष जाऊन कागदपत्र पडताळणी करतील.
पुढील महत्त्वाच्या तारखा:
- अंतरिम गुणवत्ता यादी-12 जुलै 2025
- हरकती सादर करणे-13 ते 15 जुलै 2025
- अंतिम गुणवत्ता यादी-17 जुलै 2025
हे सुद्धा वाचा – Microsoft, Google, IBM टेक कंपन्यांनी हजारो कर्मचाऱ्यांना कामावरून काढले
महत्त्वाच्या सूचना:
✔️ वेळेत अर्ज नोंदणी व पडताळणी करणे अत्यावश्यक.
✔️ आवश्यक कागदपत्रे न दिल्यास प्रवेशासाठी अपात्र ठरले जाईल.
✔️ आरक्षणासाठी जात/उपजाती वैधता प्रमाणपत्र आणि नॉन-क्रीमी लेयर सर्टिफिकेट अनिवार्य आहे.
✔️ EWS साठी अधिकृत प्रमाणपत्र आवश्यक आहे.
मदत व संपर्क:
🌐 संकेतस्थळ: www.mahacet.org
📞 हेल्पलाइन: 8068636170 / 18002129422 (10 AM ते 6 PM)
🕘 सर्व स्क्रूटनी केंद्रे दररोज (शनिवारी-रविवारी सहित) सकाळी 10 ते सायं. 5:30 वाजेपर्यंत सुरू राहतील.
✍️ प्रवेशासाठी पुढील टप्प्यांमध्ये पर्याय फॉर्म व CAP Round वेळापत्रक लवकरच जाहीर होणार आहे.प्रकाशक: राज्य सामान्य प्रवेश परीक्षा कक्ष, महाराष्ट्र राज्य, मुंबई
MBA/MMS प्रवेश 2025-26 – वारंवार विचारले जाणारे प्रश्न (FAQ-4)
प्रश्न 1: MAH-MBA/MMS CET 2025 दिले नसेल, तरी प्रवेश घेता येईल का?
उत्तर: होय. जर तुम्ही CAT, CMAT, XAT, ATMA, MAT, GMAT यापैकी कोणतीही वैध परीक्षा दिली असेल आणि 2025-26 साठी स्कोअर वैध असेल, तर तुम्ही प्रवेशासाठी अर्ज करू शकता. मात्र, तुम्हाला अर्ज शुल्क भरावे लागेल.
प्रश्न 2: दस्तऐवज पडताळणीसाठी कोणते दोन पर्याय उपलब्ध आहेत?
- E-Scrutiny Mode: तुम्हाला स्क्रूटनी सेंटरला प्रत्यक्ष जाण्याची गरज नाही. फॉर्म व दस्तऐवज ऑनलाइनच पडताळले जातील.
- Physical Scrutiny Mode: तुम्ही जवळच्या Scrutiny Center ला जाऊन प्रत्यक्ष कागदपत्र पडताळणी करून घ्यावी लागेल.
प्रश्न 3: CET दिलेल्या विद्यार्थ्यांना अर्ज शुल्क लागते का?
उत्तर: नाही. MAH-MBA/MMS CET 2025 साठी नोंदणी केलेल्या विद्यार्थ्यांना प्रवेशासाठी कोणतेही अतिरिक्त अर्ज शुल्क भरावे लागणार नाही.
प्रश्न 4: अर्ज आणि पडताळणीची अंतिम तारीख कोणती आहे?
- ऑनलाइन नोंदणी व दस्तऐवज अपलोड करण्याची अंतिम तारीख: 08 जुलै 2025 (सायं. 5:00 पर्यंत)
- दस्तऐवज पडताळणीची अंतिम तारीख: 09 जुलै 2025 (सायं. 5:00 पर्यंत)
