एल.एल.बी. (५ वर्षे) अभ्यासक्रमासाठी प्रवेश प्रक्रिया सुरू – अर्ज, तारखा, आणि कागदपत्रे यांची संपूर्ण माहिती

एल.एल.बी. (५ वर्षे) अभ्यासक्रमासाठी प्रवेश प्रक्रिया सुरू – ऑनलाईन नोंदणीस सुरुवात

📅 प्रकाशन तारीख: २९ जून २०२५
📝 स्त्रोत: महाराष्ट्र उच्च शिक्षण विभाग

महाराष्ट्र राज्यातील उच्च शिक्षण विभागाच्या अंतर्गत येणाऱ्या एल.एल.बी. (५ वर्षे) पदवी अभ्यासक्रमाच्या प्रवेशासाठी केंद्रीय प्रवेश प्रक्रिया (CAP) 2025-26 ची नोंदणी व अर्ज प्रक्रिया सुरू करण्यात आली आहे.

नोंदणी आणि अर्ज भरण्याच्या महत्त्वाच्या तारखा:

या प्रवेश प्रक्रियेसाठी ऑनलाईन अर्ज भरणे आणि नोंदणीची प्रक्रिया २६ जून २०२५ पासून सुरू झाली असून ती १० जुलै २०२५ पर्यंत सुरू राहणार आहे. या कालावधीत महाराष्ट्रातील (MS) तसेच इतर राज्यातील (OMS) उमेदवारांना अर्ज करता येणार आहे.

नोंदणी दरम्यान उमेदवारांनी आवश्यक कागदपत्रांची स्कॅन प्रती अपलोड करावी लागेल. यानंतर ही कागदपत्रे ई-छाननी टीमकडून ऑनलाईन स्वरूपात पडताळली जाणार आहेत. ही ई-छाननी प्रक्रिया २६ जून २०२५ पासून सुरू होऊन १५ जुलै २०२५ पर्यंत चालणार आहे.

नोंदणी व छाननीबाबत महत्त्वाचे मुद्दे

विद्यार्थी आणि पालकांनी https://cetcell.mahacet.org या अधिकृत संकेतस्थळावर जाऊन CAP नोंदणी व अर्ज भरावा.
अर्ज करताना आवश्यक कागदपत्रे (जसे की मार्कशीट, जात प्रमाणपत्र, डोमिसाईल इत्यादी) अपलोड करणे बंधनकारक आहे.
अर्ज भरल्यानंतर ई-छाननी टीम कडून दस्तऐवजांची पडताळणी करण्यात येईल.
सर्व अर्ज ऑनलाइन मोडद्वारेच स्वीकारले जातील. कोणताही ऑफलाइन अर्ज ग्राह्य धरला जाणार नाही.

CAP चा संपूर्ण वेळापत्रक लवकरच प्रसिद्ध होणार

प्रवेश प्रक्रियेचे संपूर्ण वेळापत्रक (CAP Round, Option Form, College Allotment इ.) CET CELL च्या अधिकृत संकेतस्थळावर लवकरच जाहीर केले जाणार आहे. त्यामुळे विद्यार्थ्यांनी नियमितपणे संकेतस्थळ तपासत राहावे.

एल.एल.बी. 3 वर्षे अभ्यासक्रमासाठी प्रवेश प्रक्रिया

MH CET LAW 3 वर्षे LLB अभ्यासक्रमासाठी CAP प्रवेश वेळापत्रक अद्याप जाहीर झालेले नाही. CET CELL लवकरच यासंदर्भातील अधिकृत वेळापत्रक घोषित करणार आहे.

MH CET LAW 3 वर्षे LLB परीक्षा 2 व 3 मे 2025 रोजी घेण्यात आली. या परीक्षेचा निकाल 20 जून 2025 रोजी जाहीर झाला.3 वर्षांच्या LLB अभ्यासक्रमासाठी इच्छुक उमेदवारांनी CET CELL च्या संकेतस्थळावर नियमितपणे भेट देत राहावे. वेळापत्रक जाहीर होताच, नोंदणी सुरू केली जाईल. सर्व कागदपत्रे वेळेत तयार ठेवा.

ज्या उमेदवारांनी कोणतेही मान्यताप्राप्त खुल्या विद्यापीठ (Open University) मधून पदवी (Graduation) पूर्ण केली आहे, आणि ते “Preparatory Examination” पास झाले आहेत, अशा उमेदवारांनाही MH CET Law 2025 साठी अर्ज करता येणार आहे.

हे सुद्धा वाचा – B.E./B.Tech आणि MCAअभ्यासक्रमांसाठी प्रवेश प्रक्रिया सुरू – A.Y. 2025-26

🌐 अधिक माहितीसाठी भेट द्या: https://cetcell.mahacet.org

वेळापत्रक पाळा, अर्ज नीट भरा आणि सर्व आवश्यक कागदपत्रे तयार ठेवा. कोणतीही चूक किंवा विलंब झाल्यास प्रवेशाची संधी गमवावी लागू शकते.

(FAQ)-एल.एल.बी. (३/५ वर्षे) अभ्यासक्रम प्रवेश प्रक्रिया 2025

Q1: एल.एल.बी. (५ वर्षे) अभ्यासक्रमासाठी प्रवेश प्रक्रिया कधीपासून सुरू झाली आहे?

उत्तर: या अभ्यासक्रमासाठी ऑनलाईन नोंदणी व अर्ज प्रक्रिया २६ जून २०२५ पासून सुरू झाली असून ती १० जुलै २०२५ पर्यंत चालणार आहे.

Q2: कागदपत्रांची छाननी कशी केली जाते?

उत्तर: नोंदणी झाल्यानंतर कागदपत्रांची ई-छाननी (E-Scrutiny) प्रक्रिया होते. ही प्रक्रिया २६ जून ते १५ जुलै २०२५ दरम्यान ई-छाननी टीमकडून ऑनलाईन स्वरूपात पूर्ण केली जाते.

Q3: प्रवेश प्रक्रियेचे संपूर्ण वेळापत्रक कधी येणार?

उत्तर: CAP Round, कॉलेज पर्याय फॉर्म, सीट अलॉटमेंट यासंबंधीचे पूर्ण वेळापत्रक लवकरच CET CELL च्या संकेतस्थळावर प्रकाशित होणार आहे.

Q4: एल.एल.बी. (३ वर्षे) अभ्यासक्रमासाठी CAP प्रवेश प्रक्रिया कधी सुरू होईल?

उत्तर: MH CET Law 3 वर्षे LLB परीक्षेचा निकाल २० जून २०२५ रोजी जाहीर झाला आहे, मात्र यासाठीचे CAP प्रवेश वेळापत्रक अद्याप जाहीर झालेले नाही. ते CET CELL लवकरच प्रसिद्ध करणार आहे.

Q5: Open University मधून पदवी घेतलेले उमेदवार अर्ज करू शकतात का?

उत्तर: होय. Preparatory Exam उत्तीर्ण आणि Open University मधून पदवी (Graduation) पूर्ण केलेले उमेदवार देखील MH CET Law 3 वर्षे LLB साठी अर्ज करू शकतात.

आमच्या अधिकृत WhatsApp ग्रुपमध्ये आजच सामील व्हा आणि मिळवा: