आजच्या महत्त्वाच्या बातम्या : देशातील मोठे निर्णय आणि बदल | Today’s Important News in Marathi
आज देश-विदेशात काही महत्त्वाचे निर्णय आणि घडामोडी घडल्या आहेत. संसदेत झालेल्या चर्चांपासून ते परदेशातील व्हिसा नियमांपर्यंत अनेक बदल सामान्य नागरिकांवर परिणाम करणारे आहेत. चला पाहूया आजच्या महत्त्वाच्या बातम्या
1) देशभरातील टोल बूथ एक वर्षात हटणार, लागू होणार इलेक्ट्रॉनिक बॅरियर-लेस टोल सिस्टम
केंद्रीय रस्ते वाहतूक मंत्री यांनी लोकसभेत सांगितले की पुढील एका वर्षात देशातील सर्व पारंपरिक टोल बूथ बंद केले जाणार आहेत. त्यांच्या जागी अत्याधुनिक इलेक्ट्रॉनिक, बॅरियर-लेस टोल सिस्टम लागू होणार आहे. भारतातील 10 ठिकाणी या तंत्रज्ञानाचा ट्रायल सुरू आहे. हा बदल झाल्यानंतर रस्ते प्रवास अधिक जलद, पारदर्शक आणि वाहनचालकांसाठी सोयीस्कर होणार आहे. देशभरात 4,500 हायवे प्रकल्प सुरू असून त्यांची एकत्रित किंमत सुमारे 10 लाख कोटी रुपये आहे.
2) पाकिस्तानमध्ये मोठा बदल – असीम मुनीर देशाचे CDF आणि COAS दोन्ही पदांवर नियुक्त
पाकिस्तानने असीम मुनीर यांना देशाचे पहिले CDF (चीफ ऑफ डिफेन्स फोर्सेस) आणि COAS (आर्मी चीफ) या दोन्ही पदांवर नियुक्त केले आहे. दोन्ही पदांसाठी त्यांचा कार्यकाळ 5 वर्षे असेल. ही देशाच्या इतिहासातील पहिली घटना असून, मुनीर यांना अण्वस्त्रांच्या नियंत्रणाची अतिरिक्त जबाबदारीही देण्यात आली आहे. त्यामुळे पाकिस्तानच्या संरक्षण व्यवस्थेत मोठा बदल घडणार आहे.
3) अमेरिकेच्या H-1B व्हिसा नियमांमध्ये कठोर तपासणी – सोशल मीडिया अकाउंटची तपासणी अनिवार्य
अमेरिकेने H-1B आणि H-4 व्हिसाच्या नियमांत मोठा बदल केला आहे. आता व्हिसा अर्ज करताना सोशल मीडिया प्रोफाइल सार्वजनिक ठेवणे बंधनकारक करण्यात आले आहे. अर्जदाराच्या पोस्ट किंवा लाईक्समधून अमेरिकेविरोधी किंवा सुरक्षा धोक्याची कोणतीही बाब आढळल्यास व्हिसा लगेच नाकारला जाईल. हे नियम पुढील 15 डिसेंबरपासून लागू होतील.
4) लोकसभेत सेंट्रल एक्साइज अमेंडमेंट बिल पास – तंबाखू उत्पादनांवर कर वाढणार
लोकसभेत सेंट्रल एक्साइज (अमेंडमेंट) बिल 2025 मंजूर झाले. या नव्या कायद्यानुसार सिगारेट, तंबाखू, हुक्का सारख्या उत्पादनांवर नवीन एक्साइज ड्यूटी वाढवली जाणार आहे. सिगारेटवर प्रति 1000 स्टिक्सवर 5,000 ते 11,000 रुपये इतकी वाढ होणार आहे. चघळण्याच्या तंबाखूवर कर 60–70% पर्यंत वाढू शकतो, तर हुक्काच्या घटकांवर 40% कर वाढ लागू होनार
