“Osho Vani: मेहनत करणारा थकतो, चालाकी करणारा उंच भरारी घेतो!”
आपल्याला लहानपणापासून एकच गोष्ट शिकवली गेली – “मेहनत कराल तर अमीर व्हाल.”
पण आजूबाजूला जरा नीट पाहा… सगळ्यात जास्त मेहनत कोण करतो?
शेतकरी, मजूर, रिक्षाचालक, फॅक्टरीतील कामगार – हे लोक सकाळपासून रात्रीपर्यंत शरीर तोडून काम करतात. पण त्यांची आर्थिक अवस्था पाहिली तर? तेच सर्वात गरीब.
जर मेहनतीतून श्रीमंती आली असती तर शेतकरी कोट्याधीश झाला असता, आणि उन्हा-पाऊसात काम करणारा मजूर महालात राहिला असता. पण वास्तव अगदी उलट आहे. का? कारण पैसा कधीही फक्त मेहनतीने येत नाही… पैसा येतो चालाकीने, बुद्धीने, योग्य वेळी योग्य निर्णयाने.
भोळेपणा – समाजाने दिलेली सर्वात मोठी शिक्षा
समाजाने भोळ्या लोकांच्या डोक्यात एक गोष्ट पक्की बसवली आहे
“मेहनत करा, ईमानदारी ठेवा, फळ मिळेल…”
पण हे फळ कुणाला मिळालं?
तुम्हाला नाही ,नेहमी फायदा झाला तो चालाक लोकांना
गरीब मेहनत करत राहिला,
आणि अमीर लोकांनी त्याच मेहनतीवर महल उभारले .
हेच खरं षडयंत्र आहे.
इतिहासातही हेच खेळ चाललेला आहे
राजा कधी तलवार घेऊन मैदानात उतरला?
लढले सैनिक… जिंकण्याचा आनंद घेतला राजा.
मेहनत सैनिकांची संपत्ती आणि मुकुट राजाचा. आजच्या काळातही काही वेगळं नाही.
नोकरीत मेहनत, नफा मात्र मालकाचा
कर्मचारी सकाळपासून रात्रीपर्यंत धडपडतो.
तो विचार करतो – “मेहनत करतोय, फळ मिळेल…”
पण “फळ” आधीच ठरलेलं असतं.
आणि ते फळ नेहमी मालकाच्या टोपलीतच पडतं.
कारण खेळ मेहनतीचा नाही,
खेळ आहे चालाकीचा.
अमीर लोकं मेहनत करत नाहीत – ते लोकांचा फायदा घेतात
अमीर लोक कधी सर्व काम स्वतः करत नाहीत.
ते व्यवस्था तयार करतात, सिस्टम तयार करतात, आणि इतरांकडून काम करून घेतात.
त्यांची शक्ती त्यांचा मेंदू आहे.
गरीबाची शक्ती फक्त त्याची मेहनत.
आणि म्हणूनच दोघांमध्ये अंतर वाढतच जातं.
मेहनत म्हणजे इंधन, पण दिशा देते चालाकी
मेहनत वाईट नाही.
पण मेहनत एकटी पुरेशी नाही. गाडीला इंधन लागतं, पण दिशा देण्यासाठी ड्रायव्हर लागतो.
मेहनत इंधन आहे, आणि चालाकी त्या गाडीचा ड्रायव्हर.
चालाकी नसलेल्या मेहनतीचं शेवट थकव्यात होतो.
चालाकी असलेल्या मेहनतीचं शेवट श्रीमंतीत होतो.
जग नेहमी चालाक लोकांचं राहिलं आहे
भोळे लोक स्वप्नांमध्ये अडकून पडतात.
ते विचार करतात – “काळानुसार फळ मिळेल…”
पण फळ मिळतं त्या व्यक्तीला
ज्याने दिशा बदलली, नियम समजून घेतले,
आणि वेळीच योग्य पाऊल टाकलं.
शेवटी सत्य एकच आहे:
या जगात फक्त मेहनतीने अमीरी येत नाही. अमीरी येते चालाकीने, विचाराने, आणि योग्य संधी पकडण्याच्या कलेने. भोळे राहिलात तर फसाल. चालाक झालात तर जग तुमच्यासाठी काम करेल.
