पुण्यात इलेक्ट्रिक पॅसेजर ऑटोरिक्षा अनुदान ₹25,000

इलेक्ट्रिक पॅसेजर ऑटोरिक्षांना ₹25,000 अनुदान – पुणे महानगरपालिकेकडून

₹25,000 subsidy for electric passenger autorickshaws – Pune Municipal Corporation

पुणे महानगरपालिकेने पर्यावरणपूरक आणि किफायतशीर वाहतूक प्रोत्साहनासाठी शहरातील इलेक्ट्रिक पॅसेजर ऑटोरिक्षा चालकांसाठी महत्त्वाची योजना सुरू केली आहे.

वाढत्या पेट्रोल-डिझेल दरांच्या पार्श्वभूमीवर प्रति रिक्षा ₹25,000 अनुदान देण्याचा निर्णय अनेक चालकांसाठी मोठा आधार ठरणार आहे. या अनुदानामुळे नवीन ई-ऑटो घेऊ इच्छिणाऱ्या आणि आधीपासून ई-ऑटो चालवणाऱ्या चालकांना त्वरित आर्थिक मदत मिळणार आहे.

पुण्यात दिवसेंदिवस वाहतूक आणि प्रदूषण वाढत असताना इलेक्ट्रिक वाहनांचा वापर वाढवणे ही काळाची गरज बनली आहे. महापालिकेच्या या उपक्रमामुळे शहरातील हवा स्वच्छ ठेवण्यास मदत होणार असून, चालकांचा रोजचा खर्चही लक्षणीय कमी होणार आहे.

अनेक चालकांनी या योजनेसंदर्भात समाधान व्यक्त केले असून प्रशासनाकडून तत्पर प्रक्रिया अपेक्षित आहे.

अनुदानासाठी आवश्यक अटी व पात्रता

अनुदान घेण्यासाठी पुढील अटींचे पालन आवश्यक आहे:

रिक्षा तीन-चाकी पॅसेंजर इलेक्ट्रिक ऑटोरिक्षा असणे बंधनकारक.
आसन क्षमता ३+१ असलेली इलेक्ट्रिक रिक्षा.
चालकाकडे बॅज क्रमांक असणे आवश्यक.
राष्ट्रीयकृत बँकेत बचत खाते असणे गरजेचे.

आवश्यक कागदपत्रे:

आरसी बुक
लायसन्स
आधार कार्ड
पॅन कार्ड
बँक खाते तपशील (पासबुकची प्रत)
बॅज क्रमांक

अर्ज कसा करावा?

उमेदवारांनी प्रथम ऑनलाईन फॉर्म भरून त्याची प्रिंट काढावी. आवश्यक सर्व कागदपत्रांच्या झेरॉक्स प्रतींसह हा फॉर्म खालील पत्त्यावर जमा करावा:

फॉर्म जमा करण्याचे ठिकाण:
पाया वरण विभाग,
१ ला मजला, पुणे महानगरपालिका नवीन वारसा इमारत,
शिवाजीनगर, पुणे – ४११००५

संपर्क: ०२०-२५५०१०४१
ऑनलाईन फॉर्म: https://dbt.pmc.gov.in
गुगल मॅप लोकेशन: https://goo.gl/maps/zsKz5p1GzEekYeFh8

ही योजना खऱ्या अर्थाने पुणे शहरातील ई-ऑटो चालकांसाठी एक दिलासा आहे. आर्थिक बळकटीसोबत पर्यावरण संवर्धनालाही हातभार लागणार असल्याने नागरिकांनीही इलेक्ट्रिक वाहनांना प्रोत्साहन देणे महत्त्वाचे आहे. पात्र चालकांनी ही सुवर्णसंधी न गमावता लवकरात लवकर अर्ज करावा.

FAQ

1) इलेक्ट्रिक ऑटोरिक्षा अनुदानासाठी अर्जाची अंतिम तारीख काय आहे?
सध्या पुणे महानगरपालिकेकडून अंतिम तारीख जाहीर केलेली नाही. मात्र अनुदान मर्यादित संख्येसाठी उपलब्ध असल्याने चालकांनी शक्य तितक्या लवकर अर्ज करणे योग्य ठरेल.

2) ही योजना नवीन इलेक्ट्रिक रिक्षा खरेदी करणाऱ्यांसाठीच आहे का?
नाही. ही योजना विद्यमान इलेक्ट्रिक पॅसेजर रिक्षा धारकांसाठीही लागू आहे, फक्त सर्व कागदपत्रे आणि पात्रता अटी पूर्ण करणे आवश्यक आहे.

3) अर्जाची प्रक्रिया पूर्ण झाल्यानंतर अनुदानाची रक्कम कशी मिळेल?
दस्तऐवज तपासणीनंतर पात्र उमेदवारांची रक्कम त्यांच्या राष्ट्रीयकृत बँकेतील बचत खात्यात DBT (Direct Benefit Transfer) द्वारे जमा केली जाईल.