FIFA World Cup 2026 ची तयारी कुठं पर्यंत आली आहे? जाणून घ्या संपूर्ण अपडेट

FIFA World Cup 2026: सर्वात मोठा, सर्वात भव्य उत्सव!

FIFA World Cup 2026 ही जगातील सर्वात मोठी आणि भव्य फुटबॉल स्पर्धा 11 जून 2026 पासून सुरू होणार असून यंदाचा विश्वचषक कॅनडा, अमेरिका आणि मेक्सिको या तीन देशांनी एकत्रीत आयोजित केला आहे.

उद्घाटन सामना मेक्सिको सिटीतील Estadio Azteca स्टेडियममध्ये वर होईल, तर अंतिम सामना 19 जुलै 2026 रोजी न्यू जर्सीच्या MetLife Stadium मध्ये खेळवला जाणार आहे.

यंदाच्या विश्वचषकाचे विशेष आकर्षण म्हणजे प्रथमच 48 देश सहभागी होणार असून 16 शहरांमध्ये एकूण 104 सामने रंगणार आहेत. स्पर्धेचे प्रारूप 12 गटांमध्ये विभागले असून प्रत्येक गटात 4 संघ असतील.

गटातून 2 सर्वोत्तम संघ आणि 8 सर्वोत्तम तृतीय क्रमांकाचे संघ पुढील फेरीसाठी पात्र ठरतील आणि त्यानंतर थरारक “Round of 32” सुरू होईल. या अगोदर फिफा वर्ल्ड कप मध्ये ३२ संघ असायचे परंतु या वेळेस संघ वाढवण्यात आले आहेत

मुख्य स्टेडियम्स आणि आयोजनात

या भव्य स्पर्धेसाठी निवडलेली प्रमुख स्टेडियम्स देखील तितकीच भव्य आणि आधुनिक आहेत. मेक्सिको सिटीतील Estadio Azteca हे स्टेडियम इतिहासातले एकमेव असे मैदान आहे जिथे तिसऱ्यांदा विश्वचषकाचे सामने खेळवले जाणार आहेत.
येथे हायब्रिड ग्रास आणि आधुनिक सुविधा देण्यात आल्या आहेत. याचप्रमाणे, MetLife Stadium, न्यू जर्सी येथे अंतिम सामना होणार असून याची प्रेक्षक क्षमता सुमारे 83,000 आहे.
अंतिम सामन्यासाठी स्टेडियममध्ये खास प्रोफेशनल ग्रास बसवण्यात येणार असून त्यासाठी सुमारे 1,740 जागा तात्पुरत्या स्वरूपात काढण्यात येणार आहेत.
याशिवाय अमेरिकेतील AT&T Stadium (Dallas), SoFi Stadium (Los Angeles), NRG Stadium (Houston), Hard Rock Stadium (Miami), आणि Levi’s Stadium (Santa Clara) यासारख्या अत्याधुनिक स्टेडियम्समध्येही सामने खेळवले जाणार असून, प्रत्येक ठिकाणी प्रेक्षकांसाठी दर्जेदार सुविधा आणि जागतिक स्तरावरील अनुभव देण्यासाठी मोठ्या प्रमाणावर तयारी सुरू आहे.

FIFA World Cup 2026 साठी आतापर्यंत किती संघांची निवड झाली आहे?

FIFA World Cup 2026 साठी आतापर्यंत 13 संघांनी अधिकृत पात्रता मिळवली आहे. विविध खंडांतील या संघांनी आपल्या उत्कृष्ट कामगिरीद्वारे अंतिम फेरीसाठी आपले स्थान निश्चित केले आहे. खाली प्रत्येक खंडातील पात्र संघांची यादी दिली आहे:

US CONCACAF (आयोजक देश म्हणून थेट पात्र)

अमेरिका (USA)
कॅनडा (Canada)
मेक्सिको (Mexico)

एशिया (AFC):

जपान (Japan)
इराण (Iran)
उझबेकिस्तान (Uzbekistan)
दक्षिण कोरिया (South Korea)
जॉर्डन (Jordan)
ऑस्ट्रेलिया (Australia)

ओशियानिया (OFC):

न्यूझीलंड (New Zealand)

दक्षिण अमेरिका (CONMEBOL):

अर्जेंटिना (Argentina)
ब्राझील (Brazil)
इक्वेडोर (Ecuador)

फुटबॉल हा संपूर्ण जगातला सर्वात लोकप्रिय खेळ मानला जातो

या यादीतील बहुतेक संघ हे मागील विश्वचषकांतील अनुभवसंपन्न आणि दर्जेदार खेळाडू असलेले संघ आहेत, त्यामुळे यंदाच्या स्पर्धेत त्यांच्याकडून मोठ्या अपेक्षा आहेत. उर्वरित पात्रता फेऱ्या पुढील महिन्यांमध्ये पूर्ण होणार असून मार्च 2026 पर्यंत अंतिम 48 संघ निश्चित होतील.

फुटबॉल (Football / Soccer) हा संपूर्ण जगातला सर्वात लोकप्रिय खेळ मानला जातो. इतर कोणत्याही खेळाच्या तुलनेत फुटबॉलची लोकप्रियता, प्रेक्षकसंख्या आणि आंतरराष्ट्रीय पोहोच ही खूपच मोठी आहे

फुटबॉल हा 200 हून अधिक देशांमध्ये खेळला आणि पाहिला जातो. FIFA ही आंतरराष्ट्रीय संस्था 211 देशांमध्ये कार्यरत आहे, जी कोणत्याही खेळाच्या संघटनेत सर्वाधिक आहे.

FIFA World Cup 2026 वेळापत्रक – मराठीत संपूर्ण माहिती

FIFA World Cup 2026 ची अंतिम फेरीसाठी ड्रॉ अद्याप घोषित झालेला नाही. FIFA नुसार, अंतिम ड्रॉ 2025 च्या अखेरीस होण्याची शक्यता आहे. त्यामुळे संपूर्ण सामना यादी (फिक्स्चर) आणि वेळा त्यानंतरच निश्चित होतील.

मात्र, FIFA ने काही महत्त्वाच्या तारखा आणि टप्प्यांचे वेळापत्रक आधीच जाहीर केले आहे. उद्घाटन सामना मेक्सिको सिटीतील Estadio Azteca येथे होणार असून, अंतिम सामना न्यू यॉर्क – न्यू जर्सी येथील MetLife Stadium मध्ये पार पडणार आहे. हे स्टेडियम New York Giants आणि New York Jets या NFL संघांचे मुख्य मैदान आहे.

FIFA World Cup 2026 - Trophy — FIFA World Cup 2026 – Trophy

FIFA World Cup 2026 वेळापत्रक – मराठीत संपूर्ण माहिती

FIFA World Cup 2026 चे महत्त्वाचे टप्पे

गट टप्पा (Group Stage): 11 जून ते 27 जून 2026
Round of 32: 28 जून ते 3 जुलै 2026
Round of 16: 4 जुलै ते 7 जुलै 2026
Quarter-finals (अंतिम आठ): 9 जुलै ते 11 जुलै 2026
Semi-finals (उपांत्य फेरी): 14 जुलै आणि 15 जुलै 2026
Bronze Final (तिसऱ्या क्रमांकाचा सामना): 18 जुलै 2026
🏆 Final (अंतिम सामना): 19 जुलै 2026 – न्यू यॉर्क/न्यू जर्सी येथे

ही स्पर्धा 48 संघांमध्ये खेळवली जाणार असून, याचे संपूर्ण वेळापत्रक ड्रॉनंतर प्रसिद्ध केले जाईल. FIFA कडून अद्ययावत माहिती लवकरच अपेक्षित आहे.

FIFA World Cup हा जगातील सर्वाधिक पाहिला जाणारा क्रीडा इव्हेंट आहे.

2018 वर्ल्ड कपमध्ये जगभरातून 3.5 अब्ज लोकांनी सामने पाहिले होते.
2022 वर्ल्ड कपचा अंतिम सामना सुमारे 150 कोटी प्रेक्षकांनी पाहिला होता.

अद्वितीय शैलीमुळे कोट्यवधी चाहत्यांची मने जिंकणारे फुटबॉल चे स्टार खेळाडू

Lionel Messi, Cristiano Ronaldo, Neymar, आणि Kylian Mbappe हे नाव जगातील फुटबॉलप्रेमींसाठी केवळ खेळाडू नाहीत, तर एक भावना आहेत. त्यांच्या असाधारण खेळ कौशल्यामुळे आणि मैदानावरील अद्वितीय शैलीमुळे त्यांनी कोट्यवधी चाहत्यांची मने जिंकली आहेत.

Messi ची ड्रीब्लिंग आणि खेळातील चतुराई, Ronaldo चे ताकदीचे शॉट्स आणि हेडिंग, Neymar ची तांत्रिक खेळी आणि Mbappe ची वेगवान धाव आणि युवा उत्साह – हे सर्व वैशिष्ट्ये फुटबॉलला एक वेगळीच ओळख देतात.

या खेळाडूंनी फक्त त्यांच्या देशांसाठीच नव्हे, तर क्लब फुटबॉलमध्येही अमूल्य योगदान दिले आहे आणि फुटबॉलची जागतिक लोकप्रियता वाढवण्यामध्ये मोलाचा वाटा उचलला आहे.

निष्कर्ष – FIFA World Cup 2026 हे जगातील सर्वात भव्य, सर्वात प्रचंड आणि सर्वात नवखे वातावरण घेऊन येत आहे. संयुक्त आयोजनात तीस वर्षांनंतर गर्दीचा आनन्द पुन्हा एकदा जगाच्या नजरेस येणार आहे. ही माहिती skysports.com या अधिकृत वेबसाइटवरून घेण्यात आली आहे.

आधार लिंक नवीन नियम रेल्वे तत्काळ तिकीट बुकिंगसाठी – एजंटसाठी टाइम लिमिट लागू