एअर इंडिया फ्लाइट AI171 क्रॅश : अहमदाबाद विमानतळाजवळ भीषण दुर्घटना | 242 प्रवासी होते onboard | बचावकार्य सुरू
अहमदाबाद, भारत (१२ जून २०२५) – आज गुरुवारी दुपारी एक मोठी विमान दुर्घटना घडली आहे. एअर इंडियाच्या बोईंग 787 ड्रीमलाइनर विमानाने अहमदाबादहून लंडन गॅटविक कडे जाणाऱ्या AI171 या फ्लाइटने उड्डाण घेतल्यानंतर काही मिनिटांतच क्रॅश झाले.
हे विमान सरदार वल्लभभाई पटेल आंतरराष्ट्रीय विमानतळावरून उड्डाण घेत असताना, ते जवळच असलेल्या मेघाणी नगर भागात कोसळले. ही रहिवासी वस्ती असून दुर्घटनेमुळे मोठा स्फोट झाला आणि आग लागली. विमानामध्ये लांब पल्ल्याच्या प्रवासासाठी भरपूर इंधन भरलेले होते, त्यामुळे आग अधिक भयानक झाली.
एअर इंडिया चे विमान कोसळले डॉक्टरांच्या वसतिगृहावर , 240 लोक मरण पावले
एअर इंडिया फ्लाइट AI171 ही बोईंग 787 ड्रीमलाइनर विमान आज अहमदाबाद येथून लंडनसाठी रवाना होत असताना टेकऑफनंतर काही क्षणांतच दुर्घटनाग्रस्त झाली. एका वरिष्ठ पोलिस अधिकाऱ्याने पत्रकारांना सांगितले की हे विमान थेट अहमदाबाद विमानतळाजवळील एका डॉक्टरांच्या वसतिगृहावर कोसळले.
रॉयटर्सच्या वृत्तानुसार, घटनास्थळी बचाव कार्य सुरू असून, आतापर्यंत इमारतीतून किमान ३० मृतदेह बाहेर काढण्यात आले आहेत. या दुर्घटनेमुळे संपूर्ण परिसरात हाहाकार माजला असून बचाव पथक आणि अग्निशमन दल घटनास्थळी कार्यरत आहे. अद्याप अपघाताचे नेमके कारण स्पष्ट झालेले नाही. अधिकृत वृत्ताची प्रतीक्षा आहे.
plane crash latast images
एअर इंडिया फ्लाइट तपशील आणि प्रवासी संख्या
डायरेक्टरेट जनरल ऑफ सिव्हिल एव्हिएशन (DGCA) नुसार, या फ्लाइटमध्ये एकूण २४२ लोक होते – २३० प्रवासी, २ वैमानिक, आणि १० केबिन क्रू सदस्य.
विमानाचे नेतृत्व कॅप्टन सुमीत सभरवाल करत होते आणि फर्स्ट ऑफिसर क्लाईव्ह कुंदर को-पायलट होते.
प्रवाशांचा राष्ट्रीयत्वानुसार तपशील:
169 भारतीय नागरिक
53 ब्रिटिश नागरिक
1 कॅनेडियन नागरिक
7 पोर्तुगीज नागरिक
अपघात स्थळ आणि बचाव कार्य
विमान डॉक्टर्स हॉस्टेलजवळील मेघाणी भागात कोसळले. विमान कोसळल्यानंतर मोठा आवाज झाला आणि काही क्षणांत संपूर्ण भागात आगीचा भडका उडाला. स्थानिक प्रशासनाने तात्काळ कृती करत घटनास्थळी अग्निशामक, रुग्णवाहिका, पोलीस आणि राष्ट्रीय आपत्ती प्रतिसाद दल (NDRF) यांना पाचारण केले.
बचावकार्याबाबत वरिष्ठ पोलीस अधिकाऱ्यांनी सांगितले:
“प्राथमिक माहितीप्रमाणे, लंडनकडे जाणाऱ्या एअर इंडिया फ्लाइटने डॉक्टर्स हॉस्टेलजवळ क्रॅश झाले. २–३ मिनिटांतच पोलीस आणि अन्य यंत्रणा घटनास्थळी पोहचल्या. ७०–८०% परिसर आता क्लिअर केला गेला आहे. सर्व यंत्रणा युद्धपातळीवर कार्य करत आहेत.”
गांधीनगरहून ३ NDRF पथके (९० जवान) घटनास्थळी पाठवण्यात आली असून, वडोदऱ्याहून आणखी ३ पथके मार्गस्थ आहेत.
राज्य सरकार आणि केंद्र सरकारची तातडीची प्रतिक्रिया
गुजरातचे मुख्यमंत्री भूपेंद्र पटेल यांनी या घटनेवर शोक व्यक्त केला आणि बचाव कार्यात वेग आणण्याचे निर्देश दिले. जखमींना तात्काळ वैद्यकीय मदत देण्यासाठी ग्रीन कॉरिडॉरची व्यवस्था करण्याचे आदेश दिले.
केंद्रीय गृहमंत्री अमित शहा यांनी मुख्यमंत्री पटेल, अहमदाबाद पोलिस आयुक्त आणि राज्याचे गृह राज्यमंत्री हर्ष संघवी यांच्याशी चर्चा करून केंद्र सरकारकडून संपूर्ण सहकार्याचे आश्वासन दिले आहे.
पंतप्रधान नरेंद्र मोदी यांनी नागरी उड्डाण मंत्री राम मोहन नायडू आणि राज्यमंत्री मुरलीधर मोहोळ यांना तात्काळ अहमदाबादला जाऊन मदतकार्याची पाहणी करण्यास सांगितले आहे.
एअर इंडियाची प्रतिक्रिया
एअर इंडियाचे चेअरमन एन. चंद्रशेखरन यांनी एक निवेदन प्रसिद्ध करून या घटनेबद्दल “गंभीर दुःख” व्यक्त केले आणि सांगितले की, प्रवासी आणि त्यांच्या कुटुंबीयांसाठी आपत्कालीन मदत केंद्र सुरू करण्यात आले आहे.
आंतरराष्ट्रीय प्रतिक्रिया
ब्रिटन सरकारने अधिकृत निवेदनात म्हटले: “आम्हाला अहमदाबादमधील विमान अपघाताबाबत माहिती मिळाली आहे. यूके सरकार स्थानिक भारतीय प्रशासनासोबत समन्वय साधत आहे आणि सर्व ब्रिटिश नागरिकांना मदत करण्यात येईल.
अहमदाबाद विमानतळावरील सर्व उड्डाणे थांबवली
सरदार वल्लभभाई पटेल आंतरराष्ट्रीय विमानतळाने सर्व उड्डाणे तात्पुरती स्थगित केली आहेत. प्रवाशांना सूचना देण्यात आली आहे की, विमानतळाकडे येण्याआधी त्यांच्या एअरलाईनशी संपर्क साधावा.
चौकशी सुरु
एअरक्राफ्ट अ‍ॅक्सिडेंट इन्व्हेस्टिगेशन ब्युरो (AAIB) ने एक विशेष तपास पथक घटनास्थळी पाठवले आहे. Flightradar24 च्या डेटानुसार, विमान 625 फूट उंचीवर गेल्यानंतर अचानक खाली घसरले, गती होती -475 फूट प्रति मिनिट. एव्हिएशन तज्ज्ञांच्या मते, लांब पल्ल्याच्या प्रवासासाठी भरलेल्या जास्त इंधनामुळे आग अधिक तीव्र झाली.
निष्कर्ष – सध्या बचाव कार्य युद्धपातळीवर सुरु आहे. जीवितहानीबाबत अजून अधिकृत माहिती आलेली नसली तरी परिस्थिती गंभीर आहे. सरकार, एअर इंडिया, एनडीआरएफ आणि वैद्यकीय यंत्रणा पूर्ण क्षमतेने काम करत आहेत.
